公告

開飯宅女 : 不善交際, 身患多種異疾, 包括: 間歇性失憶症, 周一勞累候群症, 減肥錯亂神經綜合症, 燥狂暴食症....等等 .
熱愛夢工場電影, 迪士尼死忠粉絲, 只愛MARVEL不愛DC

本人並非打手, 所有文章均沒有金錢/車馬費交易, 不會因為試食就算難食都會講好食, 亦不會主動向各餐廳酒店R免費飯食. 本人只是獨立純分享, 不屬任何組織或商業團體. 為免誤會, 由2017年2月起, 本人不再出席任何試食飯局, 請各餐廳不用邀請我, 謝謝!

如果大家想睇宅女舊一點的文章(2007年-2012年)可以參觀一下以下舊BLOG:

2007年11月4日 星期日

中菜篇 - 翡翠拉面小籠包

星期日冇人陪自己行街,行到肚餓想食野,唔想食太貴但又唔想食快餐,想到不如入秋最好食碗熱騰騰既煨麵,就自己一個人行左入去呢間上海店.
呢度食小籠包出名就係人都知(好食與否見仁見智...),今次試下佢既其他野.

煨麵既種類其實好少, 都冇乜可以選擇.所以叫左個最基本既嫩雞煨麵($38)
呢度既煨麵比較稀左d,不過好在味精唔係好多,亦唔會好咸.麵係好'淋',正中煨麵既特點.雞切成粒狀,唔算嫩,普通質素;比較鐘意佢既小棠菜粒,加埋麵條食好正.成碗睇落好似份量好多,不過其實碗面比較'水',所以都唔會話食唔哂.

除左食麵, 仲試左佢既雞絲粉皮($42)
雞絲不錯,加埋大量青瓜絲好爽口.不過粉皮偏厚同太大塊,都唔知有冇切既...麻醬太多,好似唔洗錢咁...唔係醬多就好食架...

今次一個人所以試唔到好多其他野,下次同朋友來再試埋其他野.

翡翠拉麵小籠包
Crystal Jade

九龍灣德福廣場2期520-523號鋪 
tel: 2305 9990


沒有留言:

張貼留言

Related Posts Plugin for WordPress, Blogger...